gm
ALTE EINBLATTDRUCKE
At quia praecepit Deus, hanc Ecclesia uocem
Vt sonet, est noster discere tanta labor.
Nos immersa malis gens et caligine mortis
Pressaque peccati pondere turba sumus.
Nam meriti nusquam ratio uenit obuia cuiquam.
Exequitur Legis cum Deus ipse minas.
Qui tamen humanam miseratus pectore sortem :
Haec te restituent Pharmaca, dixit, Adam.
Splendor et illustris summi genitoris imago
Assumet massam de muliere tuam,
Ipsaque Satanicos, letalia uulnera, morsus
Diuina fuso sanguine tollet ope.
Nec non offensi placabit numinis iram â
Sic ait atque ratam uerba habuere fidem.
Induit humanam reuoluto tempore massam
Filius excelsi, uera propago, patris.
Fascia fit yopi@ similis, sic excipit ictus,
â Ilita uipereo spicula felle, graues.
Vincit et imposito uictos pede conterit hostes,
Parta triumphantis more trophaea locans.
Non etenim est fragilis tantum caro Filius ille
Atque fluens tabo fascia cruda putri.
Non est panniculus tantum uermisque cruentus
Pollutusque atro sanguine factus homo,
Viuit in assumpto non enarrabile Verbum
Corpore, sustentat membra caduca AOYOS,
Foedere mirando nostris se filius .oris
Conceptum salua uirginitate dedit,
Sic uult in nobis amissam accendere uitam
Atque novae lucis dona reperta dare,
Non potuisset enim nostrum durare uel horam
Te nisi, nate Dei, uiuificante genus.
Tu nisi, naturae nouus instaurator ut esses,
Consilio patris missus ab axe fores,
Tu nisi uulneribus nostris medicina fuisses,
Spes expectandae nulla salutis erat.
